Aaj hum yeh baat janege ke aakhir auraton ko raaz faash kar ke dosron ke gharon mein aag laga kar milta kya hai. Aaj hum app ko aesi he aik kahani sunane ja rahe hain.

Naila tum ne kuch suna... nahi to... kya hua baji ? are wo jo hamare samne walon ki beti hai na, are wohi jis ki mangni 2 dafa toot chuki hai. Han han han... kya hua use ? are suna hai, ab phir us ki mangni hone wali hai, acha to phir ? suna hai ab ki dafa bohat lamba hath mara hai us ne. Kyun baji aesa kya hai ? are suna hai ladke ka bahar mulk mein apna karobaar hai. Mujhe to na jane kyun aesa lagta hai, ke ab bhi is ki mangni tot jaegi. Oho baji, ab aesa na kahen is bechari ke liye, yeh is ki teesri mangni hai. Wo sari umar mangni he karti rahegi kaya sirf.

Ab to is ki shadi ho jani chahiye. Waise ap ko yeh baat kaise pata lagi ke is ki mangni ho gai hai? Are suna hai ke is dafa unho ne sab ko bina batae raaz dari se us ki mangni ki hai, magar... magar kya ? are wo jo us ki saheli hai na, wohi jo us ki barhi raazdaar hai. Are wohi Naghma aunty ki beti, jo jag bhar mein “ chalti phirti khala kherun ” ke naam se mashoor hai. Wo meri saheli ki barhi gehri dost hai. Wo dono aapas mein koi baat nahi chupati. Us ne yeh baat meri saheli ko bata di aur phir us ne mujhe paas kar di. Waise baji... yeh to barhi he buri baat hai ke agar us par us ki dost ne koi baat aetemaad kar ke batai thi to use apne tak rakhna chahiye tha. Sab ko is tarha nahi batana chahiye tha. Aakhir raaz to raaz hota hai aur baat baat hoti hai. Kisi ke raaz aur baat ko jo wo kisi se share na karna chahe, to use is tarha phelana nahi chahiye. Yeh koi itni achi baat nahi hai ke aap itni dilchaspi le kar beyan karen aur phir apne umdah khayalat aur khadshat ka bhi izhaar karen. 

Insaan ko hamesha husn-e-zan rakhna chahiye aur bina tasdeeq na kisi ki baat ko aage barhana chahiye aur na he ap ki tarha chalta phirta ishtehaar ban jana chahiye. Kya khayal hai ap ka ? Naila ne apni behan ki class lete huye apne jazbat ka izhaar bhi kar diya aur tanbihan apni adam dilchaspi bhi zahir kar di. Kya is tarha kisi ke raaz ko aam karna achi baat hai ?
Amooman is burai mein auratain bardi badnam, bal ke barha naam kamati hain aur baat ko idhar se udhar karne mein barhi taaq, bal ke mahir-o-mushtaq mani jati hain. Is muamley mein aurten he nahi nal ke baaz mard hazraat to auraton ke bhi record torh dete hain aur BBC ka kaam karte hain. Arbi zuban ki barhi maroof misal hai, ( jis ne apne raaz ko chupaya wo apni murad ko pohanch gaya ), yani apne maqsad ko pane mein kamiyab ho gaya. Kisi ke raaz ya us ki baat ko bina us ki ijazat ke aam taur par phelana ikhlaqan wo sharan nehayat mayoob baat hai. ***** is barey mein halki pait ki mashoor hain, ke baat koi bhi kisi ki bhi ho, un ki zuban se phisal he jati hai, yeh bhi aik aieb hai. Jo deegar ayoob ki tarha hum se chimta hua hai. Choti si baat jo raaz kehlati hai, yani chupane ki cheez, wo apne maeyne ke lihaz se barhi wasee aur mafhoom ke lihaz se barhi waqee hoti hai. Jab he to raaz kehlati hai. Hamara mazhab raazdari, yani kisi ke posheeda muamlaat ko posheeda he rakhne ka hukum deta hai aur Quran Pak mein is ki taqeed bhi aai hai.

Bilamoom ***** raaz fash karne mein taaq mani jati hain. Wo baton baton mein wo tamam batein keh jati hain, jo unhe takeedan yeh keh kar batai jati hain ke yeh baat aage kisi se mat kehna. Yeh raaz ki baat hai aur ye baat sirf apne tak he rakhna. Lekin dekha yeh gaya hai ke aapas ki baat to wo aapas mein share kar leti hai aur raaz ki baat raazdana andaaz mein keh deti hain. Goya aapas aur raaz dono in ke hathon se nikal aur zuban se phisal jate hain.

Kisi ka raaz fash karna bhi aeib joi mein shumar hota hai aur ise bad goi bhi kaha jata hai magar aurat ki fitrat hai ke kisi ka raaz dosri aurat ko bata deti hai. Insaan ki zindagi khuli kitab ki tarha hai, lekin is ka dil majmooa-e-raaz hai. Is mein is ki dunya aur aakhrat ki tamam wo batein posheeda hain. Jo wo raat ki tanhai mein apne RAB se karta hai. Apni zindagi ka nichore apni shareek-e-hayat se share karta hai. Yeh tamam batein amanat hai aur inhein is tarha khule aam beyan karna, ke kisi shakhs ki private batein aam ho jaen. Amanat mein khayanat hai.

Sarkari raaz churane ya use aam karne par sarkar saza deti hai, lekin dil ke raaz churane aur ya aam karne par sab se barhi saza sarkar ne sakht tareen saza muqarrar ki hai. Lehaza apne aemaal mein raazdari ko bhi shamil karen.har baat kehne ki nahi hoti aur jo baat sar-e-aam keh di jae wo baat baat nahi rehti, afsana ban jati hai aur jo afsana ban jae wo baat zindagi ajeeran kar deta hai. Jo baat zuban zad-e-aam ho jae, khuwa wo jhoot he par mushtamil ho, sach mein badal jati hai. Jab aik mehfil main , aik majlis mein 10 aadmi ba yak zuban aik he baat bolenge. To wo sach he mani jaegi. Is liye kaha jata hai ke “ Zuban-e-khalq ko Naqqara-e-Khuda samjho ”. aik waqt mein aik aadmi jhot bol sakta hai, 10 nahi. Kya hamari ***** ko is ke ilawa koi aur kaam nahi hai ?